最近不斷聽到好多消息，都話美國經濟差。
我公司是美國公司，由今年次已聽到公司會收縮開支，09年不會擴充人手，有人走都唔會請返果個位，最近更收到公司要改福利，新年唔會放咁長假，最係原先14個月糧，雙糧+花紅...會變得返13個月...HR會有一個TALK講呢樣野...我未聽...不過都唔落觀....
財政司都講明出年香港經濟會差，失業率會增加....唉....出年想轉工都唔係咁易....
wowo~三個月，沒更新三個月了，突然想上來打幾隻字。
大家記不記得有一隊組合叫LMF? 佢地要拆夥!!!!!呵.....陪著我長大的LMF!!!還記得在貝奧，和宏仔RAP住佢D歌....佢果首"大懶堂"間直係我近來的心聲....
近來去過澳門一趟，感覺除了賭場外，沒甚麼地方好去....
在這公司快一年了，由入職就每天想著辭職，哈哈....咁樣又挨到一年喎....
早前看過星光幫的一個演唱會，哇......超捧!!!!
聽著林宥嘉唱歌，是會有幸福的感覺....
訓喇~何日吾再來.....
Blog的熱潮是否已經退下?
近來發覺很多朋友的Blog也未有更新，又或者由最初每日更新，到每週至每月，我當然亦不例外。
我亦不想我的讀者每次都失望而回(應該只有數位讀者吧)，只是每次想進來寫點東西，總是想不到話題，也許是我生活太苦悶，每天也過著差不多的日子，連記下的心情也沒有。
這麼快就四月了，還有二個月，我就已經畢業一年。又是那句，時間過得真快，已經25個年頭，就快要踏入中年，之後就老年......
尋晚剛好看到"太極"，我沒有追開，睇到一幕死左果個師父問毛馬，人生在世為左咩呢?我果刻真係想佢話我知為咩，師父就答返"我都不知道"，只講左三句野，我都記唔清楚，只係知佢想講，做人最重要係開心。
做人永遠都覺得自己的想法先係最o岩，又或者唔認同人地的做法，又或者人地做左d野令你好激氣，只是做人睇闊一點，錯果個可能係自己，人家的事不用多管閒事，自己管好自己吧。
好喇~訓覺~
整個人都依然唔開心，原因很簡單，就是因為份工，好像不是自己想做的事，但又不知自己想要甚麼。算吧，不開心的事說到這裡。
假期的第一天，節目十分豐富，早上去了觀塘返part-time，再與朋友去了nike outlet睇下掃唔掃到貨，不是太抵，不過都買了一對波boot and bag. 跟住就即興去左小欖bbq，第一次同林小姐bbq，佢實在令人很開心，bbq完就去左展家play mj，哇....打到3點幾...實在太累同熱氣喇......
day 2- 有波踢，可惜天公不做美，4天的假期就這一天下大雨，背著踢波的裝備去了馬安山返parttime，到了六點...都依然很大雨，最後就很失望地回荃灣，和女友家人吃飯就回家。
day 3- 早上去了探麻麻，下午就去了女友家，等晚上的大戰。
day 4- 今天又有場可踢波，由十二點打電話到五點....最後都唔夠人踢波，又取消，實在可惜...唉.....
這個復活節假期就咁過左，除了第一天，其餘三天就像浪費了，甚麼也沒幹。
今晚係公司的Annual Dinner，地點係尖咀的Marco Polo Hong Kong Hotel。
全公司有二百幾人，或者係美國公司，所以食buffet，食物就普通啦，今晚的重點都唔係食物，而且抽獎!!!
總共有八十幾份獎，其實只有大約三份一的機會中獎。細獎都係pk現金卷啦，頭獎竟然係周大福送出的鑽石頸鏈，價值一萬一千大元，我就唔想抽到喇......反而中獎真係最吸引，2500現金..wii...dc...dv...mobile phone....etc....
我抽到咩獎?一向沒有抽獎運的我，今次當然又冇我份，咩都抽唔到呀!!!又再一次失望!!!!too bad!!!!
