我公司是美國公司，由今年次已聽到公司會收縮開支，09年不會擴充人手，有人走都唔會請返果個位，最近更收到公司要改福利，新年唔會放咁長假，最係原先14個月糧，雙糧+花紅...會變得返13個月...HR會有一個TALK講呢樣野...我未聽...不過都唔落觀....

 財政司都講明出年香港經濟會差，失業率會增加....唉....出年想轉工都唔係咁易....

 大家成長的環境，接受的教育，認識的人，就影響你和我的選擇，你會覺得麵包重要，我會覺得麵包夠吃就可以了，又或者你覺得我們快餓死.....

 從來大家也沒有要求過大家甚麼，只要做每件事，不要太過份就可以

以前，除了自己間房，都會執埋屋企其他的地方。我會去想屋企的東西怎樣放，怎樣才方便，很有系統地放東西。但每一次執完，不過給細佬攪到亂晒，就係我阿媽唔鐘意，要放返以前咁。

 慢慢我明白，只是我覺得有系統，我阿媽都有她一套的系統，她就是喜歡這樣放，始終一家人一齊住，大家都是要拎個平衡點。

 所以我都係執返自己間房算......

大家記不記得有一隊組合叫LMF? 佢地要拆夥!!!!!呵.....陪著我長大的LMF!!!還記得在貝奧，和宏仔RAP住佢D歌....佢果首"大懶堂"間直係我近來的心聲....

近來去過澳門一趟，感覺除了賭場外，沒甚麼地方好去....

 在這公司快一年了，由入職就每天想著辭職，哈哈....咁樣又挨到一年喎....

 早前看過星光幫的一個演唱會，哇......超捧!!!!

聽著林宥嘉唱歌，是會有幸福的感覺....

 訓喇~何日吾再來.....

 這份工作令我走遍全香港，好玩又好賺。介紹了幾位朋友入去，但自己偏偏要離開。有後悔過辭了這份工作，但計過了數，就像雞肋，吃之無味，棄之可惜。

 每一樣野，總要劃上句號，就讓它好好地在我記憶裡吧!

You got a dream, you gotta protect it....if you want something, go get it! Period.

Will Smith playing Chris Gardner says this in "The pursuit of Happyness".

近來發覺很多朋友的Blog也未有更新，又或者由最初每日更新，到每週至每月，我當然亦不例外。

我亦不想我的讀者每次都失望而回(應該只有數位讀者吧)，只是每次想進來寫點東西，總是想不到話題，也許是我生活太苦悶，每天也過著差不多的日子，連記下的心情也沒有。

這麼快就四月了，還有二個月，我就已經畢業一年。又是那句，時間過得真快，已經25個年頭，就快要踏入中年，之後就老年......

尋晚剛好看到"太極"，我沒有追開，睇到一幕死左果個師父問毛馬，人生在世為左咩呢?我果刻真係想佢話我知為咩，師父就答返"我都不知道"，只講左三句野，我都記唔清楚，只係知佢想講，做人最重要係開心。

做人永遠都覺得自己的想法先係最o岩，又或者唔認同人地的做法，又或者人地做左d野令你好激氣，只是做人睇闊一點，錯果個可能係自己，人家的事不用多管閒事，自己管好自己吧。

好喇~訓覺~

五年後睇下係咪咁.......

假期的第一天，節目十分豐富，早上去了觀塘返part-time，再與朋友去了nike outlet睇下掃唔掃到貨，不是太抵，不過都買了一對波boot and bag. 跟住就即興去左小欖bbq，第一次同林小姐bbq，佢實在令人很開心，bbq完就去左展家play mj，哇....打到3點幾...實在太累同熱氣喇......

day 2- 有波踢，可惜天公不做美，4天的假期就這一天下大雨，背著踢波的裝備去了馬安山返parttime，到了六點...都依然很大雨，最後就很失望地回荃灣，和女友家人吃飯就回家。

day 3- 早上去了探麻麻，下午就去了女友家，等晚上的大戰。

 day 4- 今天又有場可踢波，由十二點打電話到五點....最後都唔夠人踢波，又取消，實在可惜...唉.....

 這個復活節假期就咁過左，除了第一天，其餘三天就像浪費了，甚麼也沒幹。

全公司有二百幾人，或者係美國公司，所以食buffet，食物就普通啦，今晚的重點都唔係食物，而且抽獎!!!

 總共有八十幾份獎，其實只有大約三份一的機會中獎。細獎都係pk現金卷啦，頭獎竟然係周大福送出的鑽石頸鏈，價值一萬一千大元，我就唔想抽到喇......反而中獎真係最吸引，2500現金..wii...dc...dv...mobile phone....etc....

我抽到咩獎?一向沒有抽獎運的我，今次當然又冇我份，咩都抽唔到呀!!!又再一次失望!!!!too bad!!!!

正!

(閱讀全文)

(閱讀全文)

讀了Top-up Degree，事實上是有點後悔，亦令我負上一身債，決定是自己下的，只好樂觀地接受。

過了五年IVE的生活，又再一次投身社會工作，雖然不是找了一份很滿意的工，但我也比很多人幸福。

看著林bb的成長，實在覺得生命的奇妙，亦明白一個小小的生命，是有大大的力量，令身邊每個人也笑不停。

2007年亦是我們家最倒楣的一年，爸爸媽媽身體不好，家中的開支亦很大，大廈維修，我和弟弟的學費，這年真的過得很慘。

希望可以和倒楣的事說拜拜，未來一年可以生活很開心一點。

給自己一點點目標:

1. 希望英文可以有進步
2. 找到一份合心意的工作

係呢度要祝大家身體健康，每天都過得快快樂樂!!

星期日，原先想看"投名狀"，不過時間不合，最後選了看這套戲。

在地鐵站看到這張海報時，已經很想看，主要是因為Will Smith，再來就是戲名，相信和"魔間行者"一樣好看吧!睇完後才知道導演就是拍魔間行者的那個，不過內容就完全不相關，也許是同一個導演，才把戲名加上魔間兩個字，有時中文釋名也太爛。

原來聖誕時間，百老匯是不可用任何購票的優惠，即是我們的戲票沒有九折，亦即是六十大元一張戲票，若果不好看，就會被人鬧死! 因為這套戲是我建議的!!

如果沒有看套戲的頭五分鐘，相信接著的半小時，你也不知套戲在做甚麼。套戲的開始來得太意想不到，根本都不知道已經開始了，所以接著就呆看了一段，而且開始時是有點悶，因為要交待一點事。

接著就越來越好看，戲氛很好，我也被吓了數次，驚吓位不是平常可預計的位，雖然也不是甚麼恐怖畫面，但就會令人吓一跳。內容就不多說，有興趣可去戲院看。

導演處理得不錯，只是有些位總覺得未到，例如一些感動位我也不覺感動，或者是有點冷吧!另外很奇怪的，就是有宗教味，就好似強戰世界，由否定上帝，再把他搬回來。